{"id":1028,"date":"2020-12-09T09:47:36","date_gmt":"2020-12-09T09:47:36","guid":{"rendered":"https:\/\/undod.cymru\/?p=1028"},"modified":"2021-06-04T12:24:11","modified_gmt":"2021-06-04T11:24:11","slug":"llywodraeth-ar-fai-gov-to-blame","status":"publish","type":"post","link":"https:\/\/undod.cymru\/cy\/2020\/12\/09\/llywodraeth-ar-fai-gov-to-blame\/","title":{"rendered":"Llywodraeth Cymru sydd ar fai am yr ail don, nid y dosbarth gweithiol: gwrthsafwch y rhannu a rheoli!"},"content":{"rendered":"

Gan mai Cymru erbyn hyn yw’r unig ran o’r DU lle mae achosion COVID-19 yn parhau i gynyddu, mae’n ymddangos bod penderfyniad hunan-ymwybodol wedi’i wneud ar ran Llywodraeth Cymru i geisio symud y bai oddi arnyn nhw, ac i’r cyhoedd.<\/p>\n

Ddydd Mawrth, ymddangosodd Vaughan Gething ar wahanol orsafoedd radio a honnodd fod clo bach Cymru (a feirniadwyd gan feddygon a gweithwyr iechyd proffesiynol eraill am fod yn rhy fyr) wedi gweithio, mewn gwirionedd. Yr hyn oedd wedi digwydd yn lle hynny, yn \u00f4l Gething, oedd bod y Cymry wedi methu newid eu hymddygiad – ein bod ni’n treulio gormod o amser gyda’n gilydd ac yn cymdeithasu gormod.<\/p>\n

Ar Times Radio<\/a> dywedodd “gall y Llywodraeth osod rheolau, gall roi arweiniad a darparu negeseuon clir… rydym wedi bod yn glir drwy gydol hyn, ond yn y pen draw mae angen i bobl wneud eu dewisiadau eu hunain, ac os byddant yn gwneud y math anghywir o ddewisiadau ac yn parhau i ymweld \u00e2 phobl yn eu cartrefi ac mewn lleoliadau eraill, mae arnaf ofn y bydd hynny’n cael canlyniad uniongyrchol iawn”. Ar BBC Radio 4<\/a> dywedodd: “Yn anffodus ers i’r clo bach ddod i ben, er gwaethaf yr holl negeseuon ac anogaeth i fwy o bobl wneud y peth iawn, nid ydym wedi gweld y newid sylweddol a pharhaus yn ein patrwm ymddygiad…”<\/p>\n

Roedd y neges yn glir: roedd Llywodraeth Cymru wedi gwneud eu gwaith, ond nid oedd dinasyddion Cymru wedi gwrando. Ein bai ni yw hyn i gyd, nid eu bai nhw.<\/p>\n

Dechreuodd newid yn y naratif wrth i achosion yr ail don ddechrau clystyru yn ne Cymru. Ddiwedd mis Hydref, mewn cyfweliad \u00e2 WalesOnline<\/a>, dywedodd y Prif Weinidog Mark Drakeford mai’r rheswm pam roedd achosion yng Nghymru mor uchel oedd oherwydd nad oedd gennym ‘ddiwylliant’ o ufuddhau i’r llywodraeth. Yr oedd y llywodraeth wedi gwneud y peth iawn, ond mae’n debyg nad oeddem yn gallu gwrando. Dyna ein ‘diwylliant’, mae’n debyg.<\/p>\n

Tua diwedd mis Tachwedd, honnodd y ‘5G Truther<\/a>‘ Tonia Antoniazzi ar Twitter<\/a> fod COVID-19 yn lledaenu mewn ysgolion yng Nghymru oherwydd bod rhieni anghyfrifol yn caniat\u00e1u i’w plant gwahodd cyfeillion draw dros nos, yn hytrach na’r rheswm mwy amlwg eu bod yn treulio 8 awr y dydd gyda’i gilydd tu fewn i ysgolion.<\/p>\n

Yn yr un modd, honnwyd bod ymbellhau cymdeithasol yn y cymoedd ‘wedi mynd yn groes i DNA pobl<\/a>‘ – mae’n debyg bod pobl dosbarth gweithiol yn methu gwrthsefyll y temtasiwn i ymweld \u00e2 thai ei gilydd am ddiodydd, neu gynnal part\u00efon. Nid oes a wnelo dim \u00e2’r ffaith bod ardaloedd dosbarth gweithiol mewn perygl anghymesur o COVID-19 oherwydd bod amodau byw gorlawn yn ei gwneud yn amhosibl hunanynysu; bod pobl dosbarth gweithiol yn gweithio’n bennaf mewn swyddi fel gofal a manwerthu lle na allwch weithio gartref; bod gan lawer o bobl gyda chyflyrau iechyd sy’n bodoli eisoes, ac yn y blaen. Na: mae’n ganlyniad i diffyg cyfrifoldeb, a diffyg disgyblaeth.<\/p>\n

Dywed Undod fod y naratif hwn yn un ffug a bod yn rhaid ei wrthsefyll ar bob cyfrif.<\/h2>\n

Mae pobl dosbarth gweithiol wedi aberthu’n aruthrol drwy gydol y pandemig hwn. Rydym wedi parhau i weithio mewn amodau peryglus mewn ysbytai, siopau, cartrefi gofal ac ysgolion wrth i eraill aros adref.\u00a0 Mae pobl dosbarth gweithiol wedi cynnal y wlad, ac eto erbyn hyn mae’r dosbarth gweithiol yn cael ei ymosod a’i bardduo, yn fwch dihangol i’r ail don o COVID-19.<\/p>\n

Y ffaith yw mai Llywodraeth Cymru a’u meistri yn San Steffan sy’n gyfrifol am y pandemig. Mae achosion yn pentyrru oherwydd methiannau systemig yn y ffordd y caiff cymdeithas ei gweinyddu, nid am fod lleiafrif bach iawn o bobl wedi cynnal part\u00efon yn eu tai. Fel y mae erthyglau<\/a> ac ymgyrchu Undod wedi tynnu sylw ato, mae eu ffordd o ymdrin \u00e2’r argyfwng wedi bod yn drychinebus ac yn anfaddeuol, o’r don gyntaf hyd at yr ail don.<\/p>\n

Mae argyfwng COVID wedi amlygu Llywodraeth sy’n anghymwys, sy’n cael ei dallu gan Undebaeth, sy’n gwbl gaeth i fuddiannau cyfalafol megis landlordiaeth.<\/p>\n

Beth am inni fyfyrio ar y dystiolaeth am eiliad:<\/p>\n