{"id":720,"date":"2021-01-14T10:15:08","date_gmt":"2021-01-14T10:15:08","guid":{"rendered":"https:\/\/undod.cymru\/?p=720"},"modified":"2021-04-25T23:52:02","modified_gmt":"2021-04-25T22:52:02","slug":"cofio-george-floyd","status":"publish","type":"post","link":"https:\/\/undod.cymru\/cy\/2021\/01\/14\/cofio-george-floyd\/","title":{"rendered":"Mae Bywydau Du o Bwys – Ailddatganiad"},"content":{"rendered":"

Ar y cyntaf o Fehefin y flwyddyn ddiwethaf, cyhoeddodd Undod y fersiwn gyntaf o\u2019r datganiad yma mewn cydsafiad \u00e2\u2019r sawl oedd yn mynnu cyfiawnder i George Floyd, a phawb sy\u2019n brwydro yn erbyn hiliaeth a thrais y wladwriaeth ym mhobman.<\/p>\n

Nodwyd gennym ar y pryd bod yr ymgeisiadau treisgar i atal y protestiadau ar draws yr Unol Daleithiau, o greulondeb di-feddwl i fwledi rwber a\u2019r defnydd eang o chwistrell bupur, yn datgelu cymdeithas sydd wedi ei chreithio\u2019n ddwfn gan hiliaeth wedi\u2019i hen sefydlu. Mae\u2019r ffaith i brotestiwr cael ei saethu\u2019n farw o ffenest car dangos yn ogystal sut mae ymateb y wladwriaeth yn annog terfysgaeth adain-dde eithafol. Ni fyddai\u2019r un epilog i\u2019r stori hon yn fwy dadlennol neu symbolaidd nag ysbeilio\u2019r Senedd gan Neo-Nats\u00efaid a goruchafiaethwyr gwyn, a hynny\u2019n ymddangosiadol ddi-gosb.<\/p>\n

Ond – fel y pwysleisiwyd haf ddiwethaf – mae\u2019n rhaid i ni herio\u2019r syniad taw problem unigryw Americanaidd yw hon. Mae hiliaeth hefyd wedi\u2019i gwreiddio yng nghymdeithas y Deyrnas Gyfunol, ei sefydliadau a\u2019i hanes imperialaidd. Mae cyfalafiaeth a goruchafiaeth wen yn mynd law yn llaw. Mae\u2019r Deyrnas Gyfunol a\u2019r Unol Daleithiau wedi\u2019u hadeiladu ar ganrifoedd o ecsbloetio, gormes a thrais tuag at bobl groenliw. Mae\u2019r pandemig wedi datgelu hiliaeth sefydliadau\u2019r wladwriaeth ymhellach. Er gwaetha\u2019r risg anghymesur eithafol o farwolaeth i bobl ddu a lleiafrifoedd ethnig o Covid-19, mae llywodraeth y DG yn gwrthod ymchwilio i\u2019r rhesymau dros hyn neu gymryd camau digonol i amddiffyn ein cymunedau mwyaf ymylol.<\/p>\n

Ym mis Mehefin cyfeiriasom yn ogystal at y ffaith bod marwolaethau pobl dduon yn y ddalfa, ers nifer fawr o flynyddoedd, wedi digwydd heb ymchwiliadau na chyhuddiadau, er gwaethaf degawdau o ymgyrchu gan deuluoedd. Yma yng Nghymru, mae ein carchardai yn carcharu\u2019r gyfran uchaf o bobl groenliw yn y DG. Mae Llywodraeth Cymru wedi ymrwymo i’r strategaeth Prevent<\/i> hiliol sy’n camwahaniaethu yn erbyn ein cymunedau Mwslimaidd. Mae’r heddlu’n parhau i ddefnyddio grymoedd stopio a chwilio i dargedu dynion lliw ifanc ar raddfa anghymesur. Hanes y Tri Caerdydd fu’r enghraifft fwyaf enwog o\u2019r hiliaeth endemig, hanesyddol a sefydliadol yma.<\/p>\n

Ac yn awr, ar ddechrau blwyddyn pan roeddem yn coleddu\u2019r gobaith o greu newid er gwell, rydym yn wynebu marwolaeth drasig un o feibion Caerdydd, Mohamud Hassan.<\/p>\n

Y mae newid go iawn yn dechrau trwy atebolrwydd ar ran yr heddlu, a chyfiawnder go iawn i deulu Mohamud. Os ydym am sicrhau cymdeithas sy\u2019n gwarantu diogelwch ac urddas i bawb, yna mae\u2019n rhaid i ni weithredu er mwyn chwalu\u2019r hiliaeth sy\u2019n treiddio\u2019n ddwfn trwy i\u2019n cymdeithas, ein sefydliadau, a\u2019n calonnau ni ein hunain. Ni fedrwn aros mwyach.<\/p>\n

Mae bywydau du o bwys.<\/b><\/p>\n

Cyfiawnder i Mohamud Hassan.<\/b><\/p>\n

Sut y gallwch chi ddangos undod<\/h2>\n